வெற்றி என்பது யார்கையில்

வெற்றி என்பது யார்கையில்

விவேகம் என்பது எத்துறையில்

பற்றித் துணிந்து செய்தாலே

பறந்து வருமே நம்பிக்கை

வெட்டி விட்டால் மரம் துளிர்க்கும்

விவேகம் வைத்தால் வெற்றிவரும்

துட்டிற்காக ஆசை வைத்தால்

தொடர்ந்து தூய்மை வெளியேறும்

தோல்வி வந்தால் துவளாமல்

தொடர்ந்து முயன்றால் வெற்றிவரும்

ஆல்போல் நெஞ்சம் உறுதி கொண்டால்

அனைத்தும் நமது கைக்குவரும்

கிடைக்கும் என்றநம்பிக்கை

கீழே விழுந்தும் துணிந்தெழுந்தால்

படைக்கும் ஆற்றல் கைக் கொண்டால்

பாரே நம்மைப் பாராட்டும்.

முயன்று முயன்று சாதித்து

முத்திரை ஒன்றினை நாம்பதித்தால்

வியந்து வருமே வெற்றியது

வெல்லும் ‘தன்னம்பிக்கை’ ஒன்றேதான்!

- கவிஞர் பொன். கிருட்டிணன்

தாரமங்கலம், சேலம்.